LAOAG CITY – Awan ti hurisdiksyon ti International Criminal Court (ICC) nga agimbestigar iti maipagarop a crimes against humanity a mapaspasamak iti Ukraine kabayatan ti iraraot ti Russia.
Daytoy ti inbatad ni Atty. Domingo Cayosa, ti dati a presidente iti Integrated Bar of the Philippines (IBP) ditoy pagilyan.
Maipalagip a ti Russia ket Ukraine ket agpada a saan a miembro iti ICC.
Segun ken ni Cayosa, mabalin a ti panagimbestigar ti ICC ket para laeng dokumentasyon wenno prosekusyon kadagiti sumarsaruno pay a mapasamak.
Inlawlawag na nga adda dagiti mapasamak a no siasinno dagiti agballigi iti giyera ket mangestablisar ti war tribunal tapno pagsungbaten dagiti nangabuso wenno saan a nangsurot iti international protocols iti gubat.
