LAOAG CITY – Mabuya iti online ti iwayat a panagdengngeg iti kiddaw ni dati a Presidente Rodrigo Duterte iti International Criminal Court (ICC) para iti temporario a pannakawaya-wayana.
Inbatad ti International Criminal Court a ti maiparuk-at a desision iti kiddaw ni Duterte ket maipabuya iti live iti babaen ti opisial daytoy a website pakairamanan iti Facebook ken YouTube inton Nobiembre 28, 2025 iti oras ti alas-10:30 ti bigat.
Daytoy ket tapno maipaayan ti publiko ti direkta nga access iti maysa kadagiti padpadaanan a panangtingiting iti intero a lubong kadagiti napalabas a tawen.
Daytoy a baro a kiddaw ket naipila kalpasan a nagkedkedan ti Pre-Trial Chamber I dagiti immuna a kiddaw para iti temporario a pannakawaya-waya idi Setiembre 26, 2025 gapu iti panangkontra ni Duterte iti pannakaarestarna, kalikagum ti pamiliana a makasubli isuna ditoy Pilipinas ken dagiti rakurak ni Vice President Sara Duterte a nakasagana daytoy nga isalakan ti amana manipud iti pasilidad ti International Criminal Court.
Inpila ti kampo ni Duterte ti agdama a kiddaw idi Oktubre 14, 2025 a mangibagbaga a maipagarup a saan a kinita ti Korte Suprema ti human consideration.
