Impaganetget ti International Criminal Court (ICC) a ti pannakaipatungpal ti arrest warrant ken pannakaisuko dagiti suspek iti tribunal ket agpannuray iti panagtitinnulong ti gobierno ti pagilian.
Daytoy ket kalpasan a kumpirmaran ni ICC spokesperson Oriane Maillet nga adda arrest warrant kontra ken ni Senador Ronald “Bato” dela Rosa, a maibilang a maipagarup a co-perpetrator ni dati a Presidente Rodrigo Duterte kadagiti kaso a crimes against humanity a mainaig iti war on drugs.
Segun ken ni Maillet, gapu ta ti ICC ket maysa a hudisial nga institusion a makikinnammayet iti estado, ti pannakaarestar ken pannakaisuko iti suspek ket adda iti ima dagiti nasional nga otoridad.
Inlawlawagna pay a no adda pakaseknan dagiti estado maipapan iti pannakikooperar ket mabalinda ti agkonsulta iti korte a maiyataday iti Rome Statute.
Innayon pay ti opisyal ti ICC nga uray no nagikkat ti pagilian iti korte idi 2019, saan a makaapektar daytoy iti pagrebbenganna a makitinnulong kadagiti imbestigasion ken panagimbestigar iti kriminal a maibasar iti Article 127 ti Rome Statute.
