LAOAG CITY – Nangiparuk-at ti warrant of arrest ti International Criminal Court kontra iti dua a nangato a lider ti Taliban idiay Afghanistan.
Dagitoy ket isuda Haibatullah Akhundzada, supreme leader ti Taliban, ken ni Abdul Hakim Haqqani, chief justice ti Taliban.
Inbatad ti korte a nakabase idiay The Hague nga adda ti “reasonable grounds” tapno patien a da Supreme Leader Akhundzada ken chief justice ket nakaaramid ticrime against humanity iti panangtrato da kadagiti babbai sipud nagturay da idi 2021.
Iti panagturay ti Taliban idiay Afghanistan, nangipatungpal da ti naruay a restrictions, karaman ditoyen ti saan a pannakaipalubos nga ageskwela dagiti babbai nga agtawen ti 12 agpangato ken pannakaipawil nga agtrabaho dagiti babbai.
Mainaig iti daytoy, inpetteng ti Taliban a saan da a bigbigen ti International Criminal Court ken inawagan da ti naiparuk-at a warrant of arrest kas “clear act of hostility” ken insulto iti pammati dagiti muslim iti intero a lubong.
