LAOAG CITY – Nagkadwan a dati ti agkabsat a ni Dave ken Shaun Ildefonso iti court, ngem ti Strong Group-Pilipinas stint-da ti umuna a gundaway nga agkdwa da iti international stage.
Sumagmamano a tawen a kakadua da Dave ken Shaun ti National University Bulldogs iti UAAP sakbay a nayakar ti ub-ubing nga Ildefonso iti Ateneo de Manila University.
Iti agdama, dagiti agkabsat nga addaan ti professional ranks, agkadua manen iti Abra Solid North Weavers iti Maharlika Pilipinas Basketball League.
Bayat a kitkitaen ti Strong Group ti historic three-peat, ni Dave ti mangidaulo manen ngem iti daytoy a gundaway ket kadwana ni Shaun, a mangaramid iti debutna para iti Charles Tiu-led squad iti maika-45 a William Jones Cup.
Para ken ni Dave, ipatpategna ti gundaway nga agay-ayam a kaduana ti kabsatna iti dakdakkel nga entablado, bayat ti panangirepresentarna iti Pilipinas.
No maipapan met ken ni Shaun, sagsaganaanna ti panangawitna iti bandera iti internasional nga entablado a kaduana dagiti dadakkel a nagan a kas iti dati a NBA player a ni Boban Marjanović.
