LAOAG CITY – Inrakurak ni P/Maj. Kristian Lee Badua, pannakangiwat ti Ilocos Norte Police Provincial Office a generally peaceful ti intero a probinsia ti Ilocos Norte iti pannakaobserbar ti Semana Santa 2026.
Inlawlawagna nga adda dagiti nairekordda a napasamak ngem dagitoy ket maibilang kas isolated cases.
Inbatadna nga agingga iti 4:30 ti malem ti Abril 5 ket dua ti nairekordda a nalmes ditoy probinsia a manarimaan pay laeng ti panangberipikarda ti pinal a datos.
Malaksid iti daytoy, kuna ni P/Maj. Badua nga adda pay ti kaso a panagtatakaw iti ili ti Bacarra no sadinno a napilaanen ti kaso ti suspek iti daytoy.
Immuna iti daytoy, inpakaammo ti Ilocos Norte Police Provincial Office a nakasaganada iti panangipasigurado ti linak, urnos ken talna kagiddan ti Semana Santa.
Naammoan nga iti baet ti mapaspasaran a krisis iti langis ditoy pagilian ket agusar dagiti mai-deploy a kameng ti kapulisan ti bisikleta nga aglikos kadagiti nagduduma a paset ditoy probinsia.
