LAOAG CITY – Naragsak ti sibubukel nga Ilocos Norte United Muslim Association (INUMA) iti Eid’l Fitr wenno panagngudo ti Ramadan.
Segun kenni Mr. Ismael Ali, ti presidente ti INUMA, espesyal daytoy nga aldaw kadakuada ngem gapo ta adda iti babaen ti GCQ ditoy ciudad ket awan ti naangay nga anyaman a panagtitipon.
Inlawlawag na gapo iti daytoy ket uneg laengen ti pagtaengan ti pagselebraran ti kada pamilya kas panangsurot iti pagalagadan.
Inbatad na nga apaman a naamoan da ti pannakaipatungpal ti GCQ ditoy ciudad ti Laoag ket binagaan dan dagiti kakadua da a Muslim.
Kunana nga iti laksid a saan da a maaramid iti daytoy nga Eid’l Fitr dagiti ar-aramiden da iti napalabas a tawen gapo ta nasken a suruten da paglintegan no sadinno nga inrikep da pay ti simbaan ket naragsak da latta iti daytoy nga espesyal nga aldaw.
