LAOAG CITY – Addan ti paglawlawagan ti kontrobersyal a “pabahay” iti ili ti Solsona.
Daytoy ti inpakaammo ni Atty. Lourdines dela Cruz, chairman iti Ad Hoc Committee iti konseho iti ili ti Solsona.
Inbatad na nga amin a key persons a kalikagom da a pagsaludsudan ket nagatendar dan iti isaysayangkat da nga imbestigasyon.
Innayon na a possible a sakbay nga agngudo ita a bolan ket malpasen ti panagimbestigar da.
Kuna pay ni dela Cruz a karaman a nagsaludsudan da ket ti bangko a nakairuwaran ti 23-milyon a pisos no sadinno nga addan ti patta-patta da no napanan ti nasao a kwarta.
Maipalagip nga immunan a maitudtudo ni dati a konsehal Macmac del Castillo a maipagarop a maysa a napan nangiruwar iti nasao a kantidad isut gapuna a naminduan a pinatuludan da ti surat tapno mapan agpalawag mainaig iti alegasyon kenkuana.
Nupay kasta, saan pay a napan nagparang iti iyus-uswat da nga imbestigasyon ti dati a konsehal.
