LAOAG CITY – Inlawlawag ti Bureau of Animal Industry ti Department of Agriculture (DA-BAI) a saan nga insigida a maapektaran ti agricultural trade ti Pilipinas kalpasan nga inpatungpal ti China ti ban iti panagangkat ti taraken a baboy, wild boar, ken dagiti produkto a baboy manipud iti pagilian gapu iti pangta ti African Swine Fever (ASF).
Basar iti Bureau of Animal Industry ti Department of Agriculture, bigbigbigenda ti desision ti Chinese authorities ngem inlawlawag ti ahensia a saan pay a nag-export ti live pigs, wild boar ken mainaig a produkto ti Pilipinas nga agturong idiay China.
Nangiparuk-at ti General Administration of Customs ti China ti pammilin a mangipawil iti panagserrek kadagiti nasao a produkto manipud ditoy Pilipinas gapu iti African Swine Fever concerns.
Inbatad ti Bureau of Animal Industry ti Department of Agriculture nga agtultuloy ti Pilipinas iti panangipatungpal ti naiget a biosecurity measures pakairamanan ti kontrol iti panaggaraw ti ayup, culling wenno panangisakripisio kadagiti maap-apektaran ken ad-adda a pinaigetan a surveillance kadagiti lugar nga addaan ti kaso wenno nangato ti risgona.
