LAOAG CITY – Manamnama nga iyalud-od ni Department of Agriculture Secretary Francisco Tiu Laurel Jr. ti maipatpatungpal nga importation ban iti sibuyas kagiddan ti panagtalinaed nga stable ti suplay ti nasao nga agricultural product.
Posible a dumanon iti 89,384.99 metric tons (MT) ti projected onion harvest output manipod iti Abril agingga iti Hunio, nangatngato iti nairekord a 84,903.99 metric tons iti kapada a panawen iti napalabas a tawen.
Inbatad ni Laurel, ti suplay ti sibuyas ket agbalin nga umdas agingga inton Hulio ita a tawen.
Sipod nadutukan kas Department of Agriculture Chief, kuna ni Laurel nga imonmonitorna dagiti presio ti agricultural products kadagiti nagduduma a paglakoan iti pagilian.
Inpasiguradona a maipakat laeng ti onion importation no kasapulan wenno no adda ti namonitor a panagngato kadagiti presio daytoy.
Iti kaudian a demand survey ti Philippine Statistics Authority, agus-usar ti maysa a Pilipino ti 2.341 kilo ti sibuyas iti kada tawen.
