LAOAG CITY – Balligi a naarestar ti maysa nga indibidual nga awanan ti trabaho iti naiwayat a buy-bust operation iti ili ti Dingras.
Daytoy ket agtawen ti 24, awanan asawa, ken residente iti Barangay Guerrero iti nasao met laeng nga ili.
Basar iti Dingras Municipal Police Station, natiliw ti suspek iti babaen ti nagpammarang a polis a poseur-buyer.
Nakumpiskar ti 4 nga heat-sealed transparent plastic sachet a maatap a naglaon ti shabu, maysa a kitchen knife, maysa nga empty magazine para iti caliber 45, ken nagduduma pay a drug paraohernalias.
Mainaig iti daytoy, naipan ti suspek iti Dingras District Hospital para iti medical examination, kalpasanna iti Dingras Municipal Police Station para iti dokumentasion sakbay ti pannakaipila ti kaso gapu iti panaglabsing ti Republic Act 9165 wenno ti Comprehensive Dangerous Drugs Act of 2002.
