Posible a dumanon iti 3.5 porsiento agingga iti 4.3 porsiento ti inflation wenno ti kaalisto ti panagngina dagiti magatang ken serbisio iti pagilian idi napalabas nga bulan ti Abril.
Daytoy ket basar iti forecast law ti Bangko Sentral ng Pilipinas (BSP).
Segun iti Bangko Sentral ng Pilipinas, agtultuloy ti panagngato ti presio ti bagas, karne ken petroleo ken ti panagkapuy ti piso kontra iti doliar.
Malaksid iti daytoy, mabalin a makontra daytoy babaen ti panagbaba ti presio ti ikan, nateng, prutas ken singir iti koriente.
Idi Marso, ngimmato ti inflation agingga iti 3.7 a porsiento manipud iti 3.4 a porsiento a nairekord idi Pebrero.
Inpasigurado ti Bangko Sentral ng Pilipinas nga agtultuloy ti panangmonitorda iti inflation ken ti panagdur-as ti ekonomia ti Pilipinas.
Kabayatanna, manamnama nga iparuk-at ti Philippine Statistics Authority ti datos mainaig iti inflation inton Mayo 7.
