Kalikagum a dagus a solbaren ni Senate Majority Leader Joel Villanueva ti isiu a mainaig ti inflation wenno panagngato ti presio dagiti magatgatang ken suledo iti pagilian.
Segun kenkuana, daytoy ket gapu ti napaspas a panagngato ti bilang dagiti involuntary hunger iti pagilian.
Kinuna ni Villanueva a nasken nga ipamaysa ti gobierno ti dua a banag tapno masolbar ti nangato nga involuntary hunger, inflation ken wages a kangrunaan a pakaseknan dagiti Pilipino.
Inbatadna a nasken a maipatungpal dagiti polisiya tapno bumaba ti inflation kas iti panakapapigsa ti domestic production ti basic goods kasta met ti pannakapainget dagiti programa ti irigasion ti pagilian ken pannakapapigsa ti agrikultura.
Kabaytanna, suportaranda ti panawagan ni Presidente Bongbong Marcos a mangrepaso kadagiti agdama a regional wages tapno mapsayaat ti agdama a kasasaad dagiti mangmangged.
