Immabot iti 2.9% ti inflation rate ti Pilipinas idi Disyembre 2024 a nangatngato ngem iti 2.5% idi Nobiyembre, ken nababbaba met daytoy no ikumpara iti 3.9% idi Disyembre 2023.
Segun kenni Philippine Statistics Authority (PSA) chief USec. Dennis Mapa, ti kangrunaan a rason iti daytoy ket ti alisto a panagngato ti presyo iti pabahay, danom, kuryente, gas ken dadduma pay a langis.
Gapo iti daytoy, ti annual average inflation rate ti Pilipinas para iti 2024 ket 3.2%, nabababa met no ikumpara iti 2023 annual average inflation rate a 6.0%.
Ti inflation idi Disyembre ket nakastrek iti patta-patta ti Bangko Sentral ng Pilipinas (BSP) a 2.3% agingga iti 3.1% a kayat na a sawen ket naabot ti target ti tobierno a mapagtalinaed ti average inflation para iti 2024 a 2% agingga iti 4%.
Kabayatanna, awan met ti panaggaraw ti Food inflation idi Disyembre 2024 ken nagtalinaed iti 3.5%, nababbaba met daytoy iti food inflation rate idi Disyembre 2023 a 5.5%.
