LAOAG CITY – Balligi a naisayangkat ti infographics ken infomercial challenge ditoy siudad ti Laoag.
Daytoy ti inpakaammo ni Ms. Mary Joan Pasigui, Focal Person ti Local Committee Against Trafficking-Violence Against Women and Their Children ditoy siudad ti Laoag.
Segun kenkuana, daytoy ket para iti ad-adda pay a pannakaammo kangrunaanna kadagiti agad-adal ken agtutubo maipanggep iti Violence Against Women.
Inbatadna a paset pay laeng daytoy nga aktibidad ti 18-Day Campaign to End Violence Against Women (VAW).
Kunana a babaen kadagiti infographics ken infomercials nga aramid a mismo dagiti estudiante ket ad-adda a mailawlawag ti panangsalaknib kadagiti babbai.
Naammoan a ti Violence Against Women campaign ket nagbibinnuligan ti City Government babaen ti City Social Welfare and Development, Schools Division Office – Laoag, pulisia, Zonta Club-Laoag ken nagduduma pay nga ahensia ken organisasion.
