LAOAG CITY – Natiliw dagiti innem a nagiwayat ti tupada iti Brgy Cali iti ili a Dingras idi Biernes Santo.
Daytoy ti inpakaamo ni Police Sr. Insp. Christopher Malanum, deputy chief of police ti PNP Dingras.
Binigbig na dagiti innem a natiliw a da Neksel Berdadero, Ruffy Nac-nac, Mark Anthony Lubong, Edgar Villanueva, Marco Angelo Villesca, kenni Eugene Evanghelista.
Inlawlawag ni Malanum a namungay ti panagtutupada dagitoy gapu ti panagkikinnantiyaw da.
Inadmitir ni Malanum nga adu dagiti nakataray idi dumteng dagiti kameng ti PNP.
Narekobre da ti dua a manok nga addaan ti sugat ken sabsabali pay.
Nagtalinaed dagiti innem a lallaki ken naipareceive dan ti kaso iti piskalya.
