LAOAG CITY – Innem nga indibidual ti sumango iti kaso a panaglabsing ti PD 1602 wenno Illegal Gambling law iti ili Brgy. Nagsurot iti ili ti Burgos.
Daytoy ket babaen iti balligi a pannakaiyuswat ti operasyon babaen kadagiti pannakabagi ti linteg ti nasao nga ili.
Basar iti Philippine National Police-Burgos, dagiti natiliw ket agpapada a lallaki nu sadino a maysa kadagitoy ket residente iti Brgy Poblacion idinto a ti lima ket agnanaed iti Brgy. Nagsurot iti nasao nga ili.
Iti panagresponde dagiti otoridad ket naaktoan dagiti suspek nga nga agay-ayam ti tong-its iti kusina ti pagtaengan ti maysa kadagiti natiliw.
Nakumpiskar ti kadagiti suspek ti 2570 a pisos a pusta, pito a monblock chair, maysa a lamisaan, dua a lighter ken dua a set ti baraha.
