LAOAG CITY – Inpasingked ni Pinoy pole vaulter EJ Obiea nga agpokus pay laeng iti panagsagana ken salun-at na.
Kuna na a liklikan na pay laeng dagiti nasapa a kompetision gapu iti panagay-ayam na iti Stockholm Diamond League intono Hunyo ita a tawen.
Malaksid iti daytoy, target pay ni EJ ti makipaset kadagiti dadduma a dakkel a torneo iti season.
Kalikagum ti Pinoy athlete a maisagana ti bagina para iti at-atiddug a season, nangruna ket adda dagiti napateg a kompetision a pakilabanan na kas ti Asian Games, ken mamati a napateg a maikondision ti bagi tapno maliklikan ti injury.
