LAOAG CITY – Nakaiyawid ti sabali manen a balitok ni EJ Obiena kalpasan ti panangidaulona iti ISTAF Berlin ken Olympiastadium idiay Germany.
Balligi a nalasatan ni EJ Obiena ti 5.82 meters a rason ti panangidaulona iti nasao a torneo ken daytoyen ti maika-9 a pammadayaw iti pole vault a naalana ita a tawen.
Gapu iti pannakaalana ti balitok ken ti agtultuloy a momentum-na, manmnama ti panaggbalinna a gold medal contender iti umadanin nga Asian Games a maisayangkat iti bulan ti Setiembre.
