LAOAG CITY – Bumisita iti White House ni President Luiz Inácio Lula da Silva ti Brazil.
Mangisayangkat daytoy ti panagtataripnong kaduana ni United States President Donald Trump.
Naammoan a ti sumagmamano a mabalin a talantanenda ket ti taripa kadagiti produkto ti Brazil ken sumagmamano a banag maipapan iti ekonomia.
Maipalagip a naaddaan ti saan a panagkinnaawatan ti dua a pagilian gapu iti panangipataw ni Trump ti 50 a porsiento a taripa kadagiti produkto ti Brazil.
Naudi a nagkita ti dua a lider ket idi Association of Southeast Asian Nations (ASEAN) Summit idi bulan ti Oktubre iti napalabas a tawen.
