LAOAG CITY – Manarimaan pay laeng ti contact tracing ti Ilocos Norte Police Provincial Office (INPPO) kalpasan a nagpositibo ti covid-19 ti maysa a kameng ti pulisya a naka-assign iti provincial command.
Daytoy ti inbatad ni Provincial Director Police Col. Christoper Abrahano.
Ni IN-C100 a kameng ti pulisya ket agtawen ti 39 ken residente iti Barangay 18 iti ili ti Piddig.
Inbaga ni Abrahano a saan laeng a dagiti kakadwa da ti pangiwayatan da ti contact tracing no di ket uray iti mismo a lugar ni IN-C100.
Inpakammo pay ti provincial director nga addan dagiti kameng ti pulisya a naka-isolate iti agdama.
Innayon na nga agingga a saan a rumwar ti resulta ti swab test dagiti maseknan ket saan da a mabalin ti rumuar.
Kabayatanna, kuna ni Abrahano a saan da pay nga ammo no kasanu ken sadinno ti nakaalaan ni IN-C100 iti nasao a virus.
