LAOAG CITY – Nagpalagip ni Fr. Philip Anthony Dimagiba, Camp Chaplain iti Ilocos Norte Police Provincial Office kadagiti nagannak mainaig iti panangipalubos da nga agmaneho dagiti menor de edad nga annak da.
Kuna na nga uray adda dagiti linteg a maipatpatungpal ket mapalubusan met latta dagiti ubbing nga agmaneho ti motorsiklo.
Segun kenni Dimagiba, saan kuma nga ipalubos dagiti nagannak nga agmaneho dagiti menor de edad gapu ta isuda met laeng ti agbabawi no adda ti madi a mapasamak kadakuada.
Innayon na a saan kuma a pagustuan dagiti annak da nga agmaneho ti motorsiklo.
