LAOAG CITY – Naka-heightened alert ti Ilocos Norte Police Provincial Office para iti Holy Week 2026.
Segun ken ni P/Col. Joemar Labiano, Provincial Director ti Ilocos Norte Police Provincial Office, tunggal madanon ti Semana Santa ket masapul a naka-alerto latta ti kapulisan tapno maipasigurado ti linak, urnos ken talna iti intero a probinsia.
Inbatadna nga amin a kameng ti Philippine National Police ket naka-duty ken nakanselar dagiti leave dagitoy kabayatan ti Holy Week tapno maipadanon ti serbisio iti publiko kangrunaanna iti panangipaay ti seguridad kadagiti umili.
Kabayatanna, inpasingked ni Mr. Marcel Tabije, mangidadaulo ti Provincial Disaster Risk Reduction and Management Office nga adda ti naiget a pannakikoordinarda kadagiti amin a Local Government Units ditoy probinsia tapno mabantayan dagiti coastal areas.
Inlawlawagna nga adda met ti maestablisar nga Emergency Operation Center ken kabinnulig dagiti kameng ti Philippine National Police, Bureau of Fire Protection, Philippine Marines ken dadduma pay.
