LAOAG CITY – Inrugin ti Ilocos Norte Police Provincial Office ita nga aldaw, Hulio 7 ti pannakaselebrar ti 31st Police Community Relations Month
Inpakaammo ni P/Maj. Adrian Agbannaoag, ti pannakangiwat ti Ilocos Norte Police Provincial Office (INPPO) nga adda dagiti insaganada a nagduduma nga aktibidad kas kadagiti coconut planting activities, visiting Indigenous People para kadagiti ubbing no sadinno a maisayangkat iti maysa a dakkel a mall iti San Nicolas, Dugong Bayani para iti blood donation drive ken ti panangitampok kadagiti uniporme dagiti Philipine National Police personnel iti publiko iti dakkel met a mall ditoy siudad ti Laoag.
Malaksid iti daytoy, maysa kadagiti maitampok ti nadakamat a selebrasion ket ti Agtutubooth camp 4.0 a pagpasetan dagiti nagduduma a miembro ti Kabataan Kontra Droga at Terorismo ditoy probinsia no sadinno a babaen iti daytoy ket maamoanda ti takderda mainaig iti pannakaipatungpal ti peace and order.
Innayonna pay ti maiyuswat a dagat fun run a paset pay laeng ti Police Community Relations (PCR) Month a gagemnna ti panangprotektar ti kinadalos ti igid iti kabaybayan.
