LAOAG CITY – Natay ti Intelligence Chief ti Islamic Revolutionary Guard Corps a ni Majid Khademi gapu iti United States-Israeli strike.
Daytoy ket kalpasan a nangikeddeng ti deadline ni United States President Donald Trump iti Iran a lukatan ti Strait of Hormuz.
Nagpangta ni Trump iti pannakadadael dagiti imprastraktura ti Iran ken inawaganna daytoy a Power Plant Day ken Bridge Day.
Nupay kasta, nagballaag met ti Iran ti ad-adda pay a naig-iget a panagibales kontra iti Estados Unidos.
Mainaig iti daytoy, agtultuloy ti panangatake iti intero a rehion pakairamanan ti Iran, Israel, United Arab Emirates ken Saudi Arabia.
Kabayatanna, rinibribu nga indibidual ti nairekord a pimmusayen gapu iti kumarkaro a gubat no sadinno a ti kalawaan a naapektaran ket ti Iran ken Lebanon.
