LAOAG CITY – Addan iti maika-40 nga aldaw ti internet blackout iti Iran.
Agtultuloy a mailunglungalong ti gakat a censorship iti panawen ti gubat uray dagiti rehimen ti Estados Unidos ken Iran ket nangipeksa ti panagballigi a dagiti Iranian ket naminsan manen a naibati iti nasipnget.
Naammoan a kabayatan nga agtultuloy ti dandani a total shutdown ket naaramid ti sumagmamano nga indibidual nga agtalinaed a konektado babaen ti satellite internet Starlink ken dadduma pay a wagas ngem agbaybayad dagitoy ti nadagsen a presio para iti daytoy.
Mainaig iti daytoy, ti panagusar wenno maaddaan ti Starlink device idiay Iran ket mabalin a mangitunda ti agingga iti dua a tawen a pannakaibalud no sadinno nga ikagkagumaan dagiti otoridad a lappedan daytoy.
Kabayatanna, nagastos pay daytoy nga addaan ti internet access iti babaen ti Starlink nga ilaklako iti Telegram messaging app iti balor ti sumurok-kumurang $6 (£4.50) para iti 1 GB ti data – maysa a nangato a presio iti maysa a pagilian no sadinno a ti average a binulan a sueldo ket mapatta-patta nga adda iti nagbaetan ti $200 ken $300 (£149 – £223).
