LAOAG CITY – Nagballaag ti Islamic Revolutionary Guard Corps ti Iran nga iserra ti amin a mabalin a pagdalyasatan wenno export corridors a pakabenepisiaran ti Estados Unidos ken dagiti kaalyadona.
Segun kadagiti analyst, mangipasimudaag ti Iran a mabalin nga usarenna dagiti kaalyadona nga Houthi iti Yemen tapno iserra ti Bab el-Mandeb gateway iti Red Sea.
Ti pagdalyasatan daytoy ket maikonektar iti Red Sea ken Gulf of Aden.
Nagballaag ti senior Houthi official nga agsagsagana ti grupo nga iserra ti Bab el-Mandeb Strait, maysa nga addang a mabalin a mangipangato iti presio dagiti produkto a petrolyo ti agingga iti $200 iti kada bariles no agtultuloy ti panangatake ti Saudi Arabia iti Yemen.
Rinaot ti Houthi forces ti Saudi Arabia kalpasan nga inakusaran ti nasao a pagilian ti panagbomba iti maysa nga eropuerto iti babaen ti kontrolda.
