LAOAG CITY – Inakusaran ni Iranian President Masoud Pezeshkian ti Israel a naglabsing iti ceasefire deal da iti Lebanon.
Inaramid daytoy ti Iranian President kabayatan ti panagbitla na iti D-8 summit a naiyuswat iti Cairo, Egypt, no sadinno a ti umuna nga addang da tapno naan-anay a maisardeng ti riribok ket rumbeng nga i-pressure ti Israel nga awaten ti ceasefire iti Gaza ken lapdan ti panagatake iti Lebanon ken Syria.
Inpetteng na a suportaran na ti katulagan nga inawat dagiti Palestino ken daytoy ket pinaboran ti ado nga umili iti pagilian.
Innayon na a napateg a piliten ti Israel a sumurot iti ceasefire ken tulungan ti ado a pagilian ti Lebanon tapno dagitoy ket makabangon.
