LAOAG CITY – Nagballaag ti Islamic Revolutionary Guard Corps (IRGC) ti Iran kontra iti aniaman a pangta ti panangraot iti pagilianda.
Ti nadakamat a panagballaag ti Iran ket naipadamag sakbay ti panagtabon ti Supreme Leaderda a ni Ayatollah Ali Khamenei.
Nagballaag ti Islamic Revolutionary Guard Corps kadagiti pagilian a kalaban ti Iran kas ti United States ken Israel a liklikanda ti aniaman a gulo wenno panagatake bayat iti panagliwliwa ti pagilianda mainaig iti pannakatay ti Supreme Leaderda.
Mainaig iti daytoy, inbatad ti Revolutionary Guard Corps ti pagilian ti Iran ti insigida ken nakarkaro a panagsubbotda no adda mapasamak a panagatake iti Iran.
Maipalagip a natay ti Supreme Leder ti Iran a ni Ayatollah Ali Khamenei bayat iti panagatake ti eroplano ti US ken Israel idi Pebrero 28 kadetoy laeng a tawen a rason a nagrugian ti gubat dagiti tallo a pagilian.
