LAOAG CITY – Inbutaktak ti Committee to Protect Journalists a ti Israel ti adda iti likudan ti 70 a porsiento a panangpapatay kadagiti Journalist idi 2024.
Gapu iti daytoy, nagpanawagan ti grupo iti Israel nga ipaayan ti unconditional access iti Journalist ken independent human rights experts nga imbestigaren dagiti krimen a dagiti biktima ket media iti kangitingitan ti gubat.
Adda ti 85 a panangpapatay ti nairekord iti uneg laeng ti maysa a tawen.
Naammoan a ti nasao a bilang ket isu ti kangatoan a nairekord iti maysa a pagilian.
Basar iti Gaz Government Media Office a dumanonen iti 206 a Palestinian Journalist ti napatay ti Israel iti Gaza sipod idi Oktubre 7, 2023.
