LAOAG CITY – Dinadael ti Israel ti maikadua a kangatoan a pasdek idiay Gaza City.
Nag-post ti video ni Defense Minister Israel Katz iti online nga addaan ti caption nga itultuloyda ti ar-aramidenda.
Ad-adda pay a pinalawa ti Israel Defense Forces ti panangatakeda idiay Gaza no sadinno a rumrummuar a ti Sussi Tower ket us-usaren ti Hamas banag a naiget a naglikudan ti militante a grupo.
Inrakurak ti United Nations a dagiti tent camps iti al-Mawasi ket dupudop ken saan a natalged pakairamanan iti abagatan a paset kadagiti ospital.
Mainaig iti daytoy, natay ti lima nga ubbing kabayatan a nakapila dagitoy para iti danum iti al-Mawasi a mapapati a gapu iti Israeli drone.
Basar iti United Nations, agarup dandani maysa a milyon a tattao ti nagtalinaed idiay Gaza City a naideklarar a naruay dagiti mabisbisin iti napalabas a bulan.
Nangirubuat ti Israeli military ti panangraut idiay Gaza kas panangibales iti panangatake ti Hamas iti abagatan ti Israel idi Oktubre 7, 2023 nga agarup 1,200 a tattao ti natay ken 251 a dadduma pay ti na-hostage.
Naammoan nga addan ti 63,746 nga indibidual ti pimmusayen iti panangatake ti Israel idiay Gaza sipod nangrugi ti rinnupak basar iti Hamas-run health ministry.
Kabayatanna, basar iti ministry ket adda ti 367 nga indibidual ti natay kabayatan ti gubat a nangitunda ti malnutrisyon ken panagbisin.
