LAOAG CITY – Inpakaammu dagiti opisyal ti ospital iti amianan a paset ti Gaza a naruay dagiti indibidual a natay kalpasan ti nagpatpatnag nga airstrike ti Israel.
Segun kadagiti opisyal, awan pay ti sardeng ti Gazan rescue teams iti iwaywayatda a search operations a nangrugi idi kalman ti bigat kalpasan a pinuputokan ti Israel ti lima a pasdek idiay Beit Lahia ken Gaza City.
Kuna met dahiti opisyal ti Hamas a dinosdosena ti natay, agraman ditoy dagiti babbai ken ububbing.
Kagiddan iti daytoy, awan pay ti inruar ti Israeli military a komento iti laksid ti panagtultuloy ti riribuk.
Maipalagip nga idi rugrugi daytoy a lawas ket adda 34 a tattao a natay gapu yi panangpuntiria ti Israel iti maysa a five-storey residential block idiay Beit Lahia.
