LAOAG CITY – Inlawlawag ti aktres ken online star a ni Ivana Alawi no apay a saan nga interesado daytoy a sumrek iti pulitika.
Inadmitirna nga awan ti ammona iti pulitika pakairamanan ti panangputar kadagiti linteg.
Kunana a masapolna ti agadal agingga iti tallo a tawen gapu ta saanna a kayat a maikabil iti risgo ti pagilian.
Inpettengna a saanna a kasapulan pay nga agbalin a Mayor wenno Congressman tapno makatulong kadagiti dadduma a tattao.
Inpalgakna a saanna a konkontraen dagiti agkalikagum a sumrek iti pulitika gapu ta adda ti bukud a desision dagitoy.
Maipalagip nga adu a showbiz ken online personalities ti nangipila ti certificate of candidacy para iti 2025 election.
