LAOAG CITY – Naragsak nga inburay da Drew Arellano ken Iya Villania ti kaipasngay nga anakda a babai a ni Anya.
Iti online account-da ket nag-post ti dua ti ladawan iti maikalima nga anakda.
Nagpasngay ni Iya idi Martes, Pebrero 11, 2025.
Naammoan a kadagiti naglabas nga aldaw ket nag-update ti aktres no ania ti ar-aramidenna a panagsagsagana iti panaganakna.
Inpakitana kadagiti dadduma nga annakna nga isuda Primo, Alana, Astro ken Leon ti gagar dagitoy a makita ti kabsatda a babai.
Nagsasaruno met ti nangipadanon ti panangkablaaw manipud kadagiti fans ken dagiti kakadua da Iya ken Drew iti showbiz.
