LAOAG CITY – Maysa a dakkel a panagbalbaliw ti ipatungpal iti maiyuswat Translacion para iti Pista ng Black Nazarene intono bigat, huwebes, Enero 9, 2025.
Daytoy ket gapu ta mapawilanen dagiti deboto nga umuli iti andas wenno statue base a pakailuganan ti imahen ti Black Nazarene.
Nakaugalian iti tinawen a prusisyon nga umuli dagiti deboto iti andas tapno ipunas dagiti panyo wenno labakara iti imahen.
Nupay kasta, nagdesisyon ti management ti Quiapo Church a saanen nga ipalubos ti kastoy nga aramid dagiti deboto.
Saan a maliklikan a gapu iti kaado dagiti tattao ket adda dagiti madangran bayat a maiyus-uswat ti prusisyon.
Gagem ti baro a direktiba ket tapno naur-urnus ken naannayas ti traslacion ken maliklikan nga adda dagiti madangran.
