LAOAG CITY – Inrakurak ti aktres a ni Jodi Sta. Maria ti panaginanana pay laeng iti showbiz.
Daytoy ket tapno maikkanna ti naan-anay nga atension ti masteral program-na iti clinical psychology ita a tawen.
Inbatadna a no apay a napilina ti ag-masteral ket gapu ta ammona ti kabaelanna.
Inlawlawagna nga adda ti sabali a biag iti ruar ti showbizness isu a napanunotanna ti ag-masteral.
Kunana a nabayagen nga arapaapna a maaddaan ti alisto a maidanon kadagiti kaadduan ti mental health service.
Iti agdama, lineppasna laengen ti pelikula sakbay a naan-anayen nga aginana iti lubong ti showbiz.
