LAOAG CITY – Kinumpirmaran ni Securities and Exchange Commission (SEC) Dir. Gerardo Del Rosario ken ni Senator-judge Francis “Kiko” Pangilinan nga addaan ti 54.99% shares ti JTC Group of Companies iti GenCorp Industries Inc., segun iti nairekord iti 2025 General Information Sheet (GIS) ti kumpanya.
Mainaig iti daytoy, ni VP Sara ket maipagarup maysa iti incorporator, stockholder ken board member ti JTC.
Inlawlawag ni Del Rosario a kas majority shareholder, addaan ti dakkel nga impluensiya ken direkta a control ti JTC Group kadagiti desision ti GenCorp, pakairamanan dagiti panangidutokda kadagiti miembro ti board of directors ken panangpili kadagiti corporate officers-da.
Iti agtultuloy a panangsaludsod ni Pangilinan iti impeachment court kenkuana, kinumpirmaran pay ti abogado ti SEC ti kinaadda ti “common shareholders” nga opisial a maisilsilpo iti GenCorp, City Hall Chow Foods Corporation, ken iti Metro City Chow Foods Corporation.
Gapu iti daytoy, agtultuloy ti panangtingiting dagiti lupon dagiti senador dagiti naiprisintar a corporate structures tapno maamoan ti sakupen ti impluwensiya ken pagsungbatan dagiti personalidad iti manarimaan a panagusig.
