LAOAG CITY – Paim-imbestigar ni Justice Secretary Jesus Crispin Remulla ti reklamo iti maiyus-uswat nga strip searches kadagiti bisita dagiti persons deprived of liberty (PDLs) iti New Bilibid Prison.
Inpetteng ti sekretaryo a kaanuman ket saan nga ipalubus ti Department of Justice dagiti kunniber a prison guards a mapaneknekan nga umab-abuso iti posisyon da a mangiyuswat ti physical searches.
Inpaganetget na a napudno ti departamento iti trabaho na a mangpatalinaed ti respeto iti karbengan ti maysa a tao uray siasinno pay ti agturturong iti Bilibid.
Mainaig iti daytoy, inmandar payen ni Remulla ti pannakarepaso dagiti sanctions a maipatpataw kadagiti mapaneknekan a nagkamali a personnel iti Bilibid.
Inpwtteng ni Remulla a naiget a mahigpit sumursurot ti Department of Justice iti international standards mainaig iti maipatpatungpal a body searchers, kangrunaan nà ti mangtungpal iti Nelson Mandela Rules no sadinno a maipetpetteng a dagiti Corrections officers ket masapol a respetaren da ti dignidad ken privacy ti kada indibidual.
Immunan a nagpila ti reklamo iti Commission on Human Rights (CHR) ti sumagmamano nga asawa dagiti persons Deprived of Liberty ken dagiti political prisoners gapu iti napasaran da nga strip search kadakuada idi Abril 21 ita a tawen iti New Bilibid Prison Maximum Security Compound.
Immunan nga inbilin ni Bureau of Corrections (BuCor) Director General Gregorio Catapang a maimbestigar a naimbag ti insidente.
Silulukat pay ni Catapang iti iyus-uswat nga imbestigasyon ti Kongreso.
