LAOAG CITY – Nakairekord ti world record dagiti 18 a panadero idiay France kalpasan a nakaaramidda ti kaatiddogan a Baguette bread iti intero a lubong.
Kinumpirmaran ti records keeping organization a Guinness World Record dagiti 18 a miembro ti French Confederation of Bakers and Pastry Chefs ti baro a record holder ti titulo a “Longest Baguette.”
Daytoy ket kalpasan a naka-bake dagitoy ti baguette nga agatiddog ti 460.
Naisayangkat ti record breaking attempt iti Suresnes Baguette Show idiay Suresnes, Paris. Iti sobra nga atiddog ti inaramidda ket maidasig ti kaatiddog daytoy iti maysa a 35 storey building.
Nagatendar iti event ti maysa a Guinness World Records adjudicator. Gapu iti daytoy, nakumpirmaran dagus a nagun-oddan ti world record title. Kalpasan a naiyawat ti Guinness certificate, pinagbibingayan dagiti napan iti event ti tinapay ken pinalamananda daytoy ti chocolate hazelnut spread.
