LAOAG CITY – Maysa a wig maker idiay Nigeria ti nakagun-od ti world record kalpasan a makaaramid daytoy ti kaatiddugan a wig iti intero a lubong.
Kinumpirmaran ti records keeping organization a Guinness World Records a ni Helen Williams ti baro a record holder ti titulo a “Widest Wig” kalpasan a makabukel ti peluka nga adda ti kadakkelna a 11 a kadapan ken 11 a pulgada.
No idasig daytoy iti maysa a banag, nadakdakkel pay daytoy iti kotse a Mini Cooper nga addaan ti kaatiddog a 11 a kadapan ken 10 a pulgada.
Rinugian ni Williams nga aramiden ti record breaking wig idi Pebrero ken nalippasna daytoy iti uneg ti maysa a bulan.
Tapno makumpleto ti wig, kasapulanna ti 800 a bundle ti buok. Dakkel a paset daytoy ket dinaitna babaen iti imana ken dagiti sumagmamano iti daytoy ket sewing machine.
Tapno agbalin a napintas ken sumilap iti ladawan, inikkanna daytoy ti maysa a ribu a pedaso ti rhinestone.
Saan met daytoy ti umuna a Guinness World Record ni Williams no sadino idi 2023, naawatna ti titulo a “Longest Handmade Wig” nga addaan ti kaatiddog a 1,152 a kadapan.
