LAOAG CITY – Maysa a supermarket idiay Austin, Texas ti nakagun-od ti world record kalpasan a nakaaramidda ti kadakkelan a charcuterie board iti intero a lubong.
Kinumpirmaran ti Guinness World Records a ti Central Market ti baro a world record holder ti titulo a “World’s Largest Charcuterie Board” kalpasan a naka-assemble daytoy nga addaan ti 1,032 pounds.
Ti charcuterie board ket maysa a pinggan a para iti merienda a napnoan ti nagduduma a klase ti cold cuts kas ti prosciutto, salami, chorizo wenno ham.
Adda pay ti kesona, tinapay, prutas, mani ken dadduma pay nga appetizer.
Daytoy ket masansan a maididiaya kadagiti pasken ken maise-serve dagiti dadduma pay nga arak.
Inaramid ti Central Market ti dakkel a charcuterie board para iti pannakaselebrar ti 30th anniversary.
