LAOAG CITY – Maisayangkat ditoy probinsya ti Kadiwa iti mamindua a daras ita a bulan ti Abril.
Segun ken ni Mrs. Maria Teressa Bacnat, officer in charge iti provincial agriculture office, ti Kadiwa Retail ket maisayangkat intuno Abril 21 idinto a ti Kadiwa on Wheels ket intuno Abril 28.
Mainaig iti daytoy, inlawlawag ni Bacnat a nu pay nalaklaka ti presyo dagiti magatgatang iti Kadiwa Retail nu idasig kadagiti dadduma a pagtagilakoan ket ad-adda a nababa ti presyo iti Kadiwa on Wheels.
Gapu iti daytoy, iyaw-awis ni Bacnat kadagiti umili a padasen ti Kadiwa bayat nga adda ditoy probinsya tapno malakaan kadagiti nagduduma a magatgatang.
Kabayatanna, immunan nga inpakaammo ni Bacnat a magutgutigot dagiti mannalon a makipagpaset iti nasao ng aktibidad gapu ta dakkel a tulong daytoy iti panangitandudo kadagiti produkto iti agrikultura.
