LAOAG CITY – Inaprubaranen ti Kamara de representantes ti P6.352-trillion national budget para iti 2025.
Inaramid daytoy ti kamara de representantes maysa nga aldaw kalpasan a sinertipikaran kas urgent ni Presidente Ferdinand Marcos Jr.
Adda ti pakabuklan a 285 a kongresista a nagbotos pabor iti House Bill 10800 wenno “An Act Appropriating Funds for the Operation of the Government of the Republic of the Philippines”.
Kabayatanna, adda ti tallo a kongresista a nagbotos kontra iti nasao a gakat.
Iti panagbitla ni House Speaker Ferdinand Romualdez, nagyaman kadagiti pada na nga agpanpanday linteg gapu iti panangipasa da iti nasao a pondo.
Inpetteng na a napateg ti nasao a pondo gapu ta mausar daytoy kadagiti kangrunaan a proyekto ti gobierno kas ti
imprastraktura, human ken social development, environmental protection, technological innovations ken sustainable development.
