LAOAG CITY – Saan a prayoridad ti Kamara no adda ti impeachment complaint kontra kenni Presidente Ferdinand Marcos Jr.
Segun kenni House Speaker Bojie Dy, ado pay a problema ken isyu ti sangsangwen ti pagilyan nga isu ti rumbeng a maiyuna a maipaayan ti solusyon.
Sungbat daytoy ni Speaker Dy kadagiti post ni Rep. Francisco “Kiko” Barzaga iti Dasmariñas City a mangipila ti impeachment complaint kontra iti presidente.
Inlawalwag ni Dy nga awan met pay ti naipila a kastoy a reklamo ken ti Kamara ket makumikom iti dadduma nga isyu.
Kabayatanna, inkari ti Speaker iti publiko nga iti babaen ti liderato na ket agtultuloy a tutukan ti Kamara dagiti polisiya a mangsupsuporta kadagiti mannalon, panangpapigsa ti seguridad iti taraon ken ti konkreto a resulta para kadagiti Pilipino.
