LAOAG CITY – Naglikudan ti opisina ni Senador Robinhood Padilla ti alegasion a panagpapirma ti non-disclosure agreement (NDA) kadagiti staff ti senador.
Rimmuar ti isyu ti panagpaulimek kadagiti staff tapno saan nga agsarita dagitoy maipanggep iti napasamak a pammaltog iti Senado idi Mayo 13.
Inbatad ni Chief of Staff Atty. Philip Jurado, awan ti pammilin ni Padilla mainaig iti panagpapirma ti NDA kadagiti staff member.
Kunana a no adda ti pudno nga staff a nagpirma iti NDA, dagitoy ti rumbeng a pagsaludsodan gapu ta isuda met laeng ti makapagsarita iti isyu.
Nupay kasta, kinumpirmaran ti finance officer nga adda ti sabali nga empleado ti nagkiddaw ti first-aid kit.
