LAOAG CITY – Manarimaan ti pannakatarimaan dagiti kanal iti umuna a kadsaaran iti merkado publiko iti ili ti San Nicolas.
Segun kenni Mayor Mike Hernando, daytoy a proyekto ket tapno matarimaan dagiti pagayusan ti danum manipod kadagiti paglakwan ti ikan ken karne.
Naamoan a daytoy a proyekto ket karaman iti agtultuloy a pannakapapintas ti merkado publiko ken tinawen a maponpondoan.
Kuna ti Mayor nga umaboten ti 12 a milyon a pisos ti nausar a pondo para ti pannakatarimaan ti merkado publiko sipud pay iti umuna a tawen na kas mayor.
Maipalagip a ti pannakatarimaan ken pannakapapintas ti merkado publiko ti kangrunaam a kalikagom ti administrasyon ti Mayor para kadagiti umili.
Kabayatanna, patien ti mayor a daytoy ti maysa kadagiti masapol nga iprayoridad malaksid laeng kadagiti narway a proyekto ken programa nga agdama nga ipatpatungpal da ken kadagiti plano da pay nga ipatungpal.
