LAOAG CITY – Natiliw ti maysa a karpintero babaen ti bileg ti warrant of arrest idiay Barangay 38-B, Mangato, Laoag City, Ilocos Norte.
Nabigbig daytoy a ni Elpidio Miguel y Ancheta, agtawen ti 73, naasawaan ken residente iti nasao a barangay.
Ti warrant of arrest ket inparuk-at ni Hon. Judge Nida B. Alejandro iti Regional Trial Court, Branch 11 ditoy ciudad ti Laoag a napetsaan ti Setyembre 17, 2019 gapo iti panaglabsing ni Miguel iti Section 5(a) iti RA 9262 wenno ti Violence Against Women and Their Children Act of 2004.
Narekomendaran met daytoy ti innem a ribo a pisos a pyansa para iti temporaryo a pannakawaya-waya na.
