LAOAG CITY – Tiniliw dagiti kameng ti Philippine National Police idiay Vintar, Ilocos Norte ti maysa nga Overseas Filipino Worker (OFW) manipud idiay Hongkong.
Nabigbig daytoy a ni Catherine Balbas y Rivera, balo ken residente ti Brgy. 28 iti nasao nga ili.
Naarestar daytoy babaen ti inparuk-at a warrant of arrest ni Hon. Judge Charles Javier Calapini, iti 3rd Municipal Circuit Trial Court iti Sarrat-Vintar idi Pebrero 28, 2017.
Naamoan nga apaman a nakasangpet ditoy Pilipinas ket tiniliw dagiti otoridad ni Balbas gapo ti kaso na a resistance and disobidience to a person in authority.
Narekomendaan met daytoy ti dua ribo a pisos a pyansa para ti temporaryo a pannakawaya-waya na
Maipalagip a ni Balbas ket kinariri na dagiti sumagmamano a kameng ti PNP kabayatan ti operasyon da iti paset ti Brgy. Surong Valley iti nadakamat nga ili.
