LAOAG CITY – Inyetnag dagiti health authorities idiay Zamboanga del Sur ti alarma gapu iti kellaat a panagngato ti kaso ti chikungunya.
Rumrummuar iti datos ti Integrated Provincial Health Office (IPHO) a 218 a kaso ti chikungunya ti nairekord manipud idi Enero agingga Hulio 2024.
Idi 2023, 28 a kaso laeng ti chikungunya ti nairekord iti probinsia no sadinno iti ili ti Tabina ti addaan ti kaadduan a kaso a dumanon iti 47, sinaruno ti Lapuyan ken Dinas nga addaan ti nasurok 30 a kaso iti tunggal maysa.
Basar iti World Health Organization (WHO), ti chikungunya ket maysa a viral disease nga itunda ti lamok ken agbalin a rason ti panaggurigor ken nakaro a panagsakit ti bagbagi.
Kabayatanna, inpakaammo dagiti otoridad nga agpada dagiti ubbing ken natataengan ket mabalin a maakaran ti chikungunya.
