LAOAG CITY – Umaboten ti 425 dagiti kaso ti COVID-19 ditoy probinsya kalpasan a nairekord dagiti lima a baro a kaso ti virus idi rabii.
Dagitoy ket isuda IN-C421, babai, agtawen ti lima, nakapulapol ni IN-C386, ken residente iti Brgy. 19-A, Tambidao iti ili ti Bacarra.
Sumaruno dagiti uppat a residente ditoy siudad ti Laoag nga isuda IN-C422, babai, agtawen ti 53, Dried Fish Vendor, nakapulapol ni IN-C379 ken residente iti Brgy. 12; IN-C423, lalaki, agtawen ti 54, nakapulapol ni IN-C372, ken residente iti Brgy 30-A; IN-C424, lalaki, agtawen ti 35, ken residente iti Brgy. 4; kenni IN-C425, lalaki, agtawen ti 12, nakapulapol da IN-C260 kenni IN-C361 ken residente iti Brgy. 21 ditoy siudad.
Segun ti gobyerno probinsyal, agpapada dagitoy nga Asymptomatic, awanan ti travel history ken nakaisolate dagitoy.
Kabayatanna, dua a pasyente a da IN-C214 kenni IN-C215 dagiti nalaingan manipud iti COVID-19 rason nga umaboten iti 211 ti total recoveries, 211 met dagiti active cases, ken nagtalinaed a tallo dagiti pimmusay.
Manipud iti 425 a pakadagupan ti kaso ti COVID-19, 263 kadagitoy ti nairekord ditoy siudad ti Laoag nga addaan ti 86 a recoveries ken 177 nga active cases, a kaaduan ditoy probinsya.
